ИК эшләмиме? Без сезнең янга барабыз…
Чираттагы мәртәбә гражданнарны кабул итү идарәче компания директоры өчен штрафка әйләнде. Бу юлы Ямашев урамындагы 94 нче йортта яшәүче хатын-кыз гомумйорт мөлкәтенең торышына зарланды. Милекче хатын берничә проблеманы санап чыкты, шуларның берсе – подвалның торышы.
«Йортыбыз подвалының торышын тикшерүегезне сорыйм, чөнки аны даими рәвештә су баса, пычрак, чүп-чар һәм юешлек, канализация исе тора», - дип хәбәр итте ул.
Инспекторлар тикшерү белән чыктылар: подвалдагы грунт дымлы, торбалар агып тора, кайнар су һәм җылылык торбаларында өлешчә җылылык изоляциясе юк, торбаүткәргечләр коррозиягә дучар, подъезд стеналарына буяулар һәм штукатуркалар коела.
Татарстанның Торак инспекциясе «Савиново» ИК» ҖЧҖ генераль директорын гаепле дип тапты һәм 50 мең сум күләмендә штраф билгеләде.
Бозуларны бетерү буенча бирелгән күрсәтмәнең үтәлеше Инспекция контролендә.
Исегезгә төшерәбез: идарәче компания күпфатирлы йорт белән милекчеләр белән килешү нигезендә идарә итә. Ике як та шартларны үтәргә тиеш: торакларны карап тотучылар эштә идарә итәргә, чөнки милек аларга ышанып тапшырылган, ә милекчеләр күрсәтелгән хезмәтләр өчен түләргә бурычлы. ИК эшләмиме? Гаризаларга җавап бирмиме? Алайса без сезнең янга килербез, хәбәр итегез.
Татарстан Торак инспекциясе матбугат хезмәте