«Бумажник» директорына подвалдагы су өчен 25 мең
Янә подвалның торышына шикаять: канализация системасы чүпләнгән, подвал су астында калган. Г. Тукай урамындагы 63 нче йортта яшәүчеләр, юешлеккә һәм түзә алмаслык искә түзеп аргач, республиканың Торак инспекциясенә мөрәҗәгать иткәннәр.
«Без, халык, барлык төзелеш материалларын, шул исәптән җиңел янып китүчәннәрен дә, подвалга җыюларына борчылабыз. Бу хаклымы? Сездән тикшерү үткәрүегезне һәм, хокук бозулар ачыкланган очракта, чаралар күрүегезне сорыйм», - дип язылган мөрәҗәгатьтә.
Барлык фактлар да расланды: подвалда чүп-чар, су баскан, төзелеш корылмалары, кайнар су торбаларының җылылык изоляциясе өлешчә бозылган.
Сыйфатлы торак хезмәтләре күрсәтү буенча лицензия таләпләрен бозган өчен «Бумажник» ҖЧҖ директоры административ җаваплылыкка тартылды – 25 мең сум штраф. Моннан тыш, киләчәктә закон бозуларга юл куймау һәм контрольне көчәйтү турында күрсәтмә дә бирелде.
Татарстанның Торак инспекциясе искәртеп уза: чиста коры подвал, торбаүткәргечләрне изоляцияләү – болар барысы да йортның чираттагы җылыту сезонына әзерлек билгеләре. Милекчеләр торакларны карап тотучыларга идарә хезмәте өчен түлиләр, димәк, алар үз йөкләмәләрен үтәргә тиеш. Ә сездә ничек? Безнең бергәлеккә кушылыгыз https://t.me/gji_rt
Татарстан Торак инспекциясе матбугат хезмәте