Газсыз меңәрләп, газ белән мең ярым
Казан шәһәренең бер йортында яшәүчеләр карар кабул итәргә тиеш: 1 кв. метрдан 30,81 сум түләргәме яки 46,51 суммы? Авиатөзелеш районының идарәче компаниясе милекчеләрнең гомуми җыелышын үткәрергә һәм тарифны 3 елга арттырырга тәкъдим иткән: йә йортта индивидуаль җылылык пункты урнаштырырга, йә композит материал кулланып, төтен чыгаргычны ремонтларга.
Проблема шунда ки, Годовиков урамындагы 14 нче йортта яшәүчеләр инде бер ел су җылыту колонкаларыннан файдаланмыйлар, бу тормыш өчен куркыныч. Ә кайнар сусыз яшәве кыен.
Беренче очракта суны җылыту өчен газ кирәк булмаячак, икенче очракта – төтен чыгаргычны чистарту белән, барысы да элеккечә булачак.
Милекчеләр май ахырына кадәр тавыш бирергә тиеш. Мисал өчен, 32 метр мәйданлы фатир хуҗасы җылылык пунктын сайласа, 3 ел һәр ай саен барлык башка түләүләргә өстәмә рәвештә 986 сумга якын түләячәк. Әгәр төтен чыгаргычны ремонтлауны сайласа, аена 1,5 мең сумга якын түләргә туры киләчәк.
Өченче вариант бар – барлык тәкъдимнәрдән баш тарту. Әмма милекчеләр үз мөлкәтләрен карап тотарга тиеш. Димәк, бергәләп карар кабул итәргә кирәк.
Милекчеләрнең карарын көтәбез.
Татарстан Торак инспекциясе матбугат хезмәте