Температураны сакламаган һәм балалар мәйданчыгында чүп-чар өчен штрафлар
Автокала идарәче компаниясе директорына тиешле сыйфатта коммуналь хезмәт күрсәтмәгән өчен штраф салынды. Моннан тыш, милекче гаризасы буенча чаралар да күрелмәгән.
Автомобиль төзүчеләр б-рының 1 нче йортында яшәүче кеше Чаллы районара торак инспекциясенә «Автозаводский» ИК ҖЧҖ идарәче компаниясенең эшсезлегенә шикаять белән мөрәҗәгать итте. Фатирдагы краннардан ага торган кайнар су җитәрлек дәрәҗәдә кайнар түгел. Тикшерү моны раслады.
Кухняда кайнар су температурасы + 59 градус, ванна бүлмәсендә + 54,4 градус. Бу нормативка туры килми: кайнар су температурасы 60 градустан да түбән булмаска һәм 75 градустан да югары булмаска тиеш. Түбән температура бусагасын үтәмәү суда куркыныч бактерияләр барлыкка килүгә китерә. Югары чикне узу кулланучыга пешү, ә су белән тәэмин итү системаларына тиз тузу куркынычы белән яный.
Бу йорттан икенче шикаять шулай ук ИК эшсезлеге турында: балалар мәйданчыгында чүп-чар. Шешәләр, пакетлар, тәмәке төпчекләре, ватылган пыяла – балалар уеннары өчен яраклы шартлар түгел.
Үз вазыйфаларын тиешенчә үтәмәгән һәм яшәүчеләргә уңайсызлык тудырган өчен «Автозаводский» ИК директоры Административ хокук бозулар турында РФ кодексының 7.23 ст. 2 өлеше һәм 14.13 ст. 2 өлеше буенча административ җаваплылыкка тартылды. Аңа 30 000 сумлык штраф билгеләнде.
Моннан тыш, киләчәктә закон бозуларга юл куймау һәм контрольне көчәйтү турында күрсәтмә дә бирелде.
Татарстан Торак инспекциясе матбугат хезмәте