Казан торак милекчеләре ширкәте рәисенә кисәтү
Аңларга һәм гафу итәргә – ләкин бу очракта түгел. Сүз милекчеләрнең гомуми мөлкәтне капиталь ремонтлауга тупланмалары турында бара. «Зорге-30А» торак милекчеләре ширкәте әгъзалары еллар буе акча туплаган. Махсус счет хуҗасы аларның сакланышын тәэмин итәргә һәм Татарстанның Торак инспекциясенә мәгълүмат бирергә тиеш. Мондый вәкаләтләрне күзәтчелек органына Россия Торак кодексы – 172 ст. 3 п. биргән.
Торак милекчеләре ширкәте рәисе Инспекциягә мәгълүмат бирмәде. Бәлки, бер тиен дә тотылмагандыр. Кертемнәрнең бөтен суммасы махсус счетта. Бу очракта яшереп торасы юк бит инде? Әмма вазыйфаи зат Инспекция соравына игътибар итмәде.
Җәмәгать судьясы рәисне РФ КоАП 19.7 ст. буенча административ хокук бозуда гаепле дип тапты һәм кисәтү рәвешендә җәза билгеләде.
Мондый туплау ысулын сайлаган һәркемгә үз гомумйорт казнасын контрольдә тотарга киңәш итәбез.
Үз чиратында Инспекция шулай ук профилактик чаралар күрә, кирәк булганда мәгълүмат урнаштыруга һәм милекчеләргә китерелгән зыянны каплауга суд аша ирешә. Закон таләпләрен санга сукмаган өчен РФ КоАП 13.19.2 ст. буенча штраф рәвешендә административ җаваплылык билгеләнгән.
Татарстан Торак инспекциясе матбугат хезмәте