Гариза "үтәлгән" булган
Чаллыда яшәүченең торак-коммуналь хуҗалык системасына гаризасы 17 февральдә үк "үтәлде" статусын алган. Автокала кешесе торба үткәргечнең даими шартлавына зарланган. Һәм менә проблема хәл ителгән кебек, ләкин ай ярымнан соң да подвалда бассейн, ә кайнар су краны кибә. Чаллы шәһәренең М.Җәлил урамындагы 53 нче йорт фатиры хуҗасы республиканың Торак инспекциясенә мөрәҗәгать итте.
"24 гыйнварда мин "Жилкомсервис" ПКФ идарәче оешмасына "подвалдагы проблемалар" темасына гариза юлладым. Өч атнадан соң минем гариза "үтәлде" статусына күчте. Ләкин әлегә кадәр һәр атна саен өйдә кайнар суны сүндерәләр, һәм шул ук вакытта подвалдагы өзеклеккә сылтыйлар. 4 подъездның подвалын ышык урын дип таныдылар, ә анда һәрвакыт торбалар тишелә", – дип язылган мөрәҗәгатьтә.
Тикшерү барышында хокук бозу фактлары расланды: кайнар су торбасы шартлаганнан соң подвал идәне туфракка әйләнгән, хәтта карау вакытында да торба тамып тора иде.
Идарәче компания торбаларны алмаштыру буенча ремонт башлаган, җәйгә төгәлләргә планлаштыралар. Шуңа да карамастан, инженерлык челтәрләрен аяныч хәлгә җиткергән өчен, атна саен торбалар шартлаган өчен, директор 25 мең сум штраф рәвешендә административ җаваплылыкка тартылды.
Моннан тыш, торакларны карап тотучыларга киләчәктә закон бозуларга юл куймау һәм контрольне көчәйтү турында да күрсәтмә бирелде.
Татарстан Торак инспекциясе матбугат хезмәте