Газ хезмәткәрен инкарь итү өчен акча түләргә кирәк булача
Нурлат шәһәрендә яшәүче ике кеше май бәйрәмнәреннән соң ук газ хезмәте хезмәткәрен фатирга кертмәгән өчен административ җаваплылыкка тартылачак. Штраф күләме – 5 мең сумнан 10 мең сумга кадәр. Тагын ике нурлатлыга иң аз күләмле штрафлар билгеләнде инде.
«Нурлатгаз» ЭҖИ хезмәткәрләре Нефтьчеләр урамындагы 9нчы, Дуслык урамындагы 62нче, Мәскәү урамындагы 5нче, Совет урамындагы 145нче йортларда техник хезмәт күрсәткәннәр. Һәр йортта фатирларның берсендә милекчеләр хезмәт күрсәтүдән баш тарткан, һәм плитәләр янына кертмәгәннәр.
Техник хезмәт күрсәтү – ирекле түгел. Милекченең баш тартырга хакы юк. Бу аның бурычы – шартнамә бар, һәм аның нигезендә хезмәт күрсәтүче оешма җиһазларны карарга, ә милекче керү мөмкинлеген тәэмин итәргә тиеш. Каршылык күрсәтеп, үз гаиләләрен һәм күршеләрен куркыныч астына куялар икән – административ штраф.
Әгәр мондый «баш тартучылар» гаебе белән авария килеп чыкса яки кешеләрнең гомеренә яки сәламәтлегенә зыян китерү куркынычы туса, штрафлар 50 меңнән 150 мең сумга кадәр тәшкил итәчәк.
Татарстан Торак инспекциясе матбугат хезмәте