Югары һәм түбән температура = бозу = түләүне яңадан исәпләү
Чистайлылар Татарстанның Торак инспекциясенә мөрәҗәгать иттеләр: бер фатирда краннан салкынча су ага, икенчесендә – артык кайнар.
Тикшерү шикаятьләрнең нигезле булуын күрсәтте. Бутлеров урамындагы 37 нче йорт фатирында ванна бүлмәсендә кайнар су температурасы +51 градус, кухняда +48,2 градус.
Күпфатирлы йортта кайнар су температурасы нормасы СанПиН 2.1.3684-21 кагыйдәләрендә беркетелгән һәм 60-75°C тәшкил итә. Түбән температура бусагасын үтәмәү суда куркыныч бактерияләр барлыкка килүгә китерә. Югары чикне узу кулланучыга пешү, ә су белән тәэмин итү системаларына тиз тузу куркынычы белән яный.
Вәлиев урамындагы 28нче йортта кирәгеннән артык ягу теркәлде: бүлмәдә һава температурасы +25,7 градус тәшкил итә. Норматив – +18, почмак бүлмәләрдә +20 түбән түгел. 4 градуска арттыру рөхсәт ителә.
Ике очракта да – идарәче компанияләр директорлары гаебе. «Речники» ИК һәм «Мельничная площадь» ИК вазыйфаи затларына кисәтү белдерелде. Моннан тыш, республика Торак инспекциясе аларны коммуналь хезмәтләрнең тиешле сыйфаты булмаган өчен чистайлыларга яңадан исәп-хисап ясарга мәҗбүр итте.
Исегезгә төшерәбез, татарстанлыларга торак-коммуналь хезмәтләр өчен түләү 6,4 млн.сумга яңадан исәпләнде. Шуларның 6,1 млн.сумы – коммуналь хезмәтләрнең тиешле булмаган сыйфаты өчен киметеп исәпләнгән түләүләр.
Татарстан Торак инспекциясе матбугат хезмәте