КФЙ «идеаль» хәле: 700 тикшерү һәм 5,6 млн.сумлык штраф
Ел башыннан торак инспекторлары 700дән артык тикшерү уздырдылар, аларның нәтиҗәләре буенча административ хокук бозулар турында 500гә якын беркетмә һәм карар төзелде. 5,6 млн.сумнан артык штраф билгеләнде.
Мәсәлән, Алабуга шәһәрендә яшәүче шикаяте нигезендә Тынычлык проспекты буенча 16 нчы йорт тикшерелде. Идарәче компания, яшәүчеләрнең түләүләрен алып, йортны Торак кодексының дистәләгән статьяларын һәм пунктларын, Россия Хөкүмәте һәм Дәүләт төзелеш күзәтчелеге карарларын бозган хәлдә «карап тоткан».
Торак инспекторы түбәндәгеләрне теркәделәр: подвалда чүп-чар, кайнар су торбаларында җылылык изоляциясе юк, подъездлардагы стеналар һәм түшәмнәр коела, янгыннан соң корым эзләре, тәрәзәләр ватылган, чыбыклар эленеп тора, күп кенә почта тартмаларында ишекләр юк һ.б.
«Жилкомфортсервис» ИК директорының беренче урынбасары эшенә һәм вазыйфаларын башкаруга «намуслы» мөнәсәбәте өчен административ җаваплылыкка тартылды: 25 мең сум күләмендә штраф билгеләнде.
Хокук бозуларны бетерү буенча бирелгән күрсәтмә үтәлеше Инспекция контролендә. Башкармаячаклар икән, сөйләшү суд аша узачак.
Татарстан Торак инспекциясе матбугат хезмәте