5 урынына 15 түләргә туры киләчәк
Казанда яшәүче хатын газ җиһазларына техник хезмәт күрсәтү өчен белгечләрне фатирга кертмәгән. Закон таләпләрен бозган өчен Татарстан Торак инспекциясе фатир хуҗасын 5 000 сум штраф рәвешендә административ җаваплылыкка тартты. Штраф күләме ярты ел эчендә өч тапкырга артты.
Гудованцев урамындагы 51 нче йортта яшәүче хатын-кыз Административ хокук бозулар турында РФ кодексының 9.23 ст. 3 өлеше буенча җаваплылыкка тартылды. Аның штраф түләргә 60 көне булган, ләкин ул моны эшләмәгән. Шуңа күрә судка чакыру алган.
Җәмәгать суды республиканың Торак инспекциясе таләбен хуплады һәм шулай ук административ хокук бозуда гаепле дип тапты, бу юлы Административ хокук бозулар турында РФ кодексының 20.25 ст. 1 өлеше буенча. Аңа 10 мең сум күләмендә штраф билгеләнде. Фемиданың җәзасы Инспекция штрафын түләүдән азат итми – административ җәзаның гомуми суммасы хәзер 15 мең сум тәшкил итә.
Минем йортым – минем ныгытмам. Әйе, йорт – ул кеше үзен тулысынча куркынычсызлыкта хис итә ала һәм хис итәргә тиешле урын. Ләкин фатир милекчесе өчен генә түгел. Йорт – күп фатирлы. Уннарча, хәтта йөзләрчә күршеләр өчен йорт ныгытма булырга тиеш. Куркынычсызлы. Һәм махсуслаштырылган мәгълүмат хезмәткәрләрен кертмәгән һәркем үзен генә түгел, янәшәдә яшәүчеләрне дә куркыныч астына куя.
Татарстанның Торак инспекциясенә «Газпром трансгаз Казань» ҖЧҖ адресыннан ел башыннан 82 административ материал керде, шулардан:
- фатир эчендәге газ җайланмасына техник хезмәт күрсәтү өчен махсуслаштырылган оешма вәкилләрен кертмәгән өчен 64 материал;
- фатир эчендәге газ җайланмасына техник хезмәт күрсәтүгә шартнамә төзүдән читләшкән өчен 9 материал;
- газ җиһазларын үз белдеге белән алмаштыру буенча 9 материал.
Быел барлыгы 66 кешегә 418 мең сум штраф салынды.
Татарстан Торак инспекциясе матбугат хезмәте