Ә сезнең йортыгыз җылыту сезонына әзерләнәме?
Ягу сезоны тәмамланды, киләсе сезонга әзерлек башланды. Батареялар суыну белән, идарәче оешмалар шунда ук яңа сезонга әзерләнергә керешә. 30 апрельгә кадәр йортта яшәүчеләр эшләрнең план-графигын төзергә, аны башкарма комитетта килештерергә һәм төзексезлекләрне бетерүгә керешергә тиеш. Ә план-график сайтта урнаштырылырга: милекчеләр әзерлекнең ничек баруын һәм нәрсә эшләнәчәген белеп торырга тиеш.
Көзгә кадәр йортларда аның энергия саклау үзенчәлекләрен киметә торган бөтен нәрсә ремонтланырга тиеш. Идарәче оешмалар чормаларга, подъездларга игътибар итәргә бурычлы: ишекләр тыгыз ябыламы, бөтен җирдә пыялалар торамы, ватылганнары алыштырылганмы.
Шулай ук подваллар, су, җылылык, электр, газ белән тәэмин итү системалары тикшерелә. Подваллар һәм чормалар коры булырга тиеш, җылыту һәм кайнар су белән тәэмин итү торбаларындагы җылылык изоляциясе бөтен булырга тиеш. Инженерлык коммуникацияләре агарга тиеш түгел. Җылытылмый торган биналарда белгечләр суүткәргеч һәм канализация торбаларының изоляциясен тикшерәләр.
Барысы да ремонтлангач, җайга салынгач, җылылык бирүгә әзерлек акты төзелә, аңа комиссия кул куя. Һәм шушы акт нигезендә башкарма комитет күпфатирлы йортның кышкы чорда файдалануга әзерлек паспортын бирә.
Әзерлек паспорты белән һәркем таныша ала. Ул ТКХ ДМС мәгълүмат системасына урнаштырыла. Һәм боларның барысын да идарәче оешмалар 15 сентябрьгә кадәр эшләргә тиеш.
Татарстанлыларга мөрәҗәгать итәбез: ә сезнең йортта әзерлек ничек бара? Подвалда су һәм җылылык торбалары тутыкканмы? Җылыту системасы торбаларында җылылык изоляциясе юкмы? Подваллар һәм чормалар чүпләнгәнме? Отмостка җимерелгәнме, цокольдәге штукатурка коеламы? Тасвирламада үз йортыгызны танысагыз – безгә языгыз. Әгәр сезнең тамашачылар бу сүзләрдән соң үз йортларын таныса, безгә мөрәҗәгать итсеннәр, чаралар күрербез.
Идарәче оешмаларның җитәкчеләренә дә мөрәҗәгать итәбез: тикшерүләр барышында инспекторлар йортның әзерлек паспорты алмавының сәбәбе булырга мөмкин һәм булырга тиеш булган хокук бозулар фактларын берничә мәртәбә ачыкладылар. Мисал өчен, Түбән Каманың «Әйбәт» идарәче компаниясе аерылып торды. Вахитов проспектындагы 17 нче йортта ярыклар, фасадында штукатурка коела, ә 2024-2025 елларга әзерлек паспорты нигезендә йорт бик яхшы хәлдә, килеп чыга.
Татарстан Торак инспекциясе вәзгыятьне матурламаска, хокук бозуларны яшермәскә киңәш итә – ягулык сезонына әзерлекне тикшергәндә якын килү катгыйланачак. Фактлар ачыкланганда, паспорт бирелеп, йорт әзер булмаганда – бу хакта язып чыгачакбыз. Республика йортларның иминлеген һәм салкыннарга тулысынча әзерлеген гарантияләүче «геройлар»ның исемнәрен беләчәк.
Татарстан Торак инспекциясе матбугат хезмәте