Торбада су, тарту көче юк, газ чыгу – бер көндә газга бәйле өч гадәттән тыш хәл
16 апрельдә Татарстан Республикасында торак йортларны газ белән тәэмин итүне туктатуга бәйле өч вакыйга теркәлгән.
Әлмәттә Ленин урамындагы 40 нчы йортта йорт эчендәге газүткәргечкә су эләккән. Һәлакәт нәтиҗәсендә ике подъезд сүндерелгән — барлыгы 12 фатир. Беренчел мәгълүматлар буенча, ихтимал сәбәп яшәүчеләр ягыннан тыкшыну булырга мөмкин. Соңгы техник хезмәт быелның февралендә үткәрелгән булган.
Казанда Окольная урамындагы 20 нче йортта төтен чыгаргычта тарту көче булмавы ачыкланган. Биш катлы, дүрт подъездлы йорт. Бер стоякта 5 фатир газсыз калган. Зыян күрүчеләр юк. Соңгы техник хезмәт күрсәтү 28 февральдә үткәрелгән. Газ белән тәэмин итүне торгызу махсуслаштырылган хезмәт акты бирелгәннән соң мөмкин булачак.
Өченче вакыйга шулай ук Казанда Гарифьянов урамындагы 38 нче йортта теркәлгән. Подъездларның берсендә стояктагы краннан соң тоташуның герметик булмавы ачыкланган. Йорт панельле, биш катлы, дүрт подъездлы. 5 фатир газсыз калган. Соңгы техник хезмәт күрсәтү 20 февральдә үткәрелгән булган.
Барлык инцидентлар – белгечләр контролендә. Татарстанның Дәүләт торак инспекциясе искәртә: газ җиһазларына техник хезмәт күрсәтү – даими рәвештә, ә теләсә нинди эш белгечләр катнашында гына башкарылырга тиеш.
Татарстан Торак инспекциясе матбугат хезмәте