Подвалны карап тотмаган өчен 25 мең
Әлмәтнең «ЖЭУ 7» ИК» янә Татарстан Торак инспекциясе сводкаларында: янә лицензия таләпләрен бозу һәм чираттагы штраф.
Инспекциягә 8 Март урамындагы 15 нче йортта яшәүче хатын-кызның шикаяте килде. Мөрәҗәгатьтә күрсәтелгән барлык фактлар да расланды: кайнар су һәм җылылык торбаларыннан су тамып тора, салкын су торбаларында тутык һәм коррозия, подъездларда канализация исе, подвалда күлләвек һәм чүп-чар – барлыгы 20гә якын хокук бозу очрагы.
Эшкуарлык эшчәнлеген лицензия таләпләрен бозып башкару факты ачык күренә. Идарәче компания лицензия нигезендә йорт белән идарә итү бизнесы белән шөгыльләнә. Бу очракта, күп санлы хокук бозулар. Тикшерү нәтиҗәсе: директорга 25 мең сум күләмендә штраф һәм хокук бозуларны бетерү турында күрсәтмә бирелде.
Исегезгә төшерәбез, «Россия Федерациясе гражданнары мөрәҗәгатьләрен карау тәртибе турында» 59-ФЗ номерлы федераль законга үзгәрешләр үз көченә керде. Яңа редакция гражданинның электрон документ рәвешендә мөрәҗәгатьне электрон почта аша җибәрү мөмкинлеген юкка чыгара.
Шулай итеп, гражданнарның tatgi@tatar.ru электрон почта адресына җибәрелгән мөрәҗәгатьләре каралмый. Республиканың Торак инспекциясенә мөрәҗәгатьне ничек җибәрергә – сылтама буенча
Татарстан Торак инспекциясе матбугат хезмәте