Бурыч бар, әмма электрны законсыз сүндергәннәр
Хокуклары булмаса да, Түбән Камада яшәүчене электр энергиясеннән өзгәннәр.
Менделеев урамындагы 25 нче йортта яшәүче республиканың Торак инспекциясенә мөрәҗәгать итте: «УЭЖ» ИК фатирда электр белән тәэмин итү буенча коммуналь хезмәтне законсыз сүндергән. Шул рәвешле, торакны карап тотучылар бурычларны кайтартмакчы булганнар.
Инспекторлар ачыклаганча, бурыч бар – 21311 сум, шуның 1042,64 сумы – электр өчен. Электр белән тәэмин итү хезмәтенең норматив-хисап күрсәткече ике айда 2137,8 сум тәшкил итә. Ягъни ике ай эчендә түләү хезмәтне сүндерергә мөмкин булган исәп-хисап нормативыннан артмый. Әгәр дә ут өчен бурыч бер тиенгә генә булса да күбрәк булса – 2137,9 сум булса, ИК гамәлләре законлы булыр иде.
«УЭЖ» ҖЧҖ директоры Административ хокук бозулар турында РФ кодексының 7.23 ст. 1 өлешендә каралган административ хокук бозуда гаепле һәм 1000 сумлык штрафка тартылды.
Татарстан Торак инспекциясе матбугат хезмәте