Дәүләт торак инспекциясе исегезгә төшерә: махсус счетлар ияләре мәгълүматларны ТКХ ДМС урнаштырырга тиеш
Татарстан Республикасы Дәүләт торак инспекциясе капиталь ремонтның махсус счетлары хуҗаларына квартал саен торак-коммуналь хуҗалыкның дәүләт мәгълүмат системасында (ТКХ ДМС) мәгълүмат урнаштыру бурычы турында искә төшерә.
Нинди мәгълүматларны урнаштырырга кирәк? 2025 елның 11 апреленнән 24 апреленә кадәр 2025 елның 1 кварталы өчен белешмәләрне, атап әйткәндә: махсус счеттагы калган акчалар турында; капиталь ремонт фондлары күләме турында реестрны; шәхси счетлар буенча кертемнәр кертү һәм түләүләр турында мәгълүматны бастырып чыгарырга кирәк.
Мөһим: мәгълүматлар хисап чоры башланганнан соң 10 эш көне эчендә урнаштырылырга тиеш. Мәгълүматларны вакытында урнаштырмау Административ хокук бозулар турында РФ кодексының 13.19.2 ст. нигезендә административ җаваплылык белән яный. Штрафлар вазыйфаи затларга да, юридик затларга да салына.
Мисал өчен, 2024 елның 4 нче кварталы нәтиҗәләре буенча 527 махсус счет хуҗасы закон таләпләрен үтәмәгән һәм мәгълүматны вакытында урнаштырмаган. Бу массакүләм рәвештә административ эшләргә һәм штрафлар салуга китерде. Махсус счетларның барлык хуҗаларын да мәгълүмат урнаштыруны кичектермәскә өндибез. Срокларны үтәү – ул бурыч кына түгел, ә милекчеләр өчен үтәкүренмәлелек һәм ышаныч нигезе дә.
Татарстан Торак инспекциясе матбугат хезмәте