Фатирда язгы тамчылар
Чаллы кешесе идарәче компаниянең гамәл кылмавына зарланды – түбәдән су үтә, ләкин бернинди чаралар да күрелмәгән. Камал урамындагы 20 нче йортта тикшерү вакытында мөрәҗәгать итүченең дәлилләре расланды.
Фатирның алгы бүлмәсендә түшәмдә һәм бүлмәара ишек өстендәге стенада су эзләреннән калган сары таплар бар, ишек янтыгы һәм ишек полотносы герметик рәвештә ябылмый, йокы бүлмәсендә шулай ук түшәмдә һәм стенада судан калган сары эзләр бар. Баскыч мәйданчыгында түшәмдә шул ук түбәдән су үтү эзләре шәйләнә. Тикшерү вакытында гариза бирүченең фатиры өстендә түбәне кардан чистарта иделәр.
Документларны тикшергәндә ачыкланганча, җылыту сезоны башланыр алдыннан түбә өлешчә ремонтланган. Әмма, хәзер ачыкланганча, сыйфатлы түгел. Шулай ук авария-диспетчерлык хезмәте эшендә дә хокук бозу факты ачыкланды: инженер системаларының эшен, йортта яшәүчеләрнең заявкаларын һ.б. контрольдә тотмаганнар.
Күпфатирлы йортны кыш көне файдалануга әзерләгәндә лицензия таләпләрен бозган өчен «Челныстройремонт» ҖЧҖ директоры Административ хокук бозулар турында РФ кодексының 14.1.3 ст. 2 өлеше буенча административ җаваплылыкка тартылды һәм 50000 сум административ штраф рәвешендә административ җәзага тартылды. Моннан тыш, «Челныстройремонт»ка карата киләчәктә закон бозуларга юл куймау һәм контрольне көчәйтү турында күрсәтмә дә бирелде.
Татарстан Торак инспекциясе матбугат хезмәте