Хезмәт күрсәтүчеләр яшәүчеләрнең хокукларын чикләде 7500 күпфатирлы йорт
Республиканың 7500 күпфатирлы йортында яшәүчеләр ТКХ ДМС системасыннан файдалану хокукында, шулай ук идарәче компания эшчәнлеге турында тулы мәгълүмат алуда чикләнгән.
Торак-коммуналь хезмәтләр өчен торак-коммуналь хуҗалык дәүләт мәгълүмат системасындагы шәхси кабинетлары аша түләү мөмкинлеге юк.
Сәбәбе: системада коммуналь хезмәтләр белән тәэмин итүчеләр белән килешүләр урнаштырылмаган.
Системада 4284 йортның кайнар су белән тәэмин итү буенча килешүләре юк, 3130 йортның җылылык, 1300 йортның салкын су белән тәэмин итү буенча килешүләре кертелмәгән. Шулай ук газ һәм электр белән тәэмин итү, су үткәрү буенча да. Ягъни кайбер йортларның кайнар су буенча килешүләре өлешчә генә урнаштырылган, калган пунктлар буенча «0». Нәтиҗәдә, коммуналь хезмәтләр белән тәэмин итүчеләр гаебе белән татарстанлылар торак-коммуналь хуҗалык системасыннан файдалана алмыйлар.
Мәсәлән, җылытуга килешүләр урнаштырмаган аутсайдерлар: Казан, Питрәч, Түбән Кама, Бөгелмә һәм Арча районнары.
Татарстанның Торак инспекциясе торак-коммуналь хуҗалык системасында һәркемгә үз йортын һәм фатирын тикшерергә киңәш итә: гомумйорт һәм фатирлар буенча исәпкә алу приборлары, коммуникацияләрнең тузу вакыты, исәпкә алу приборларының күрсәткечләре һ.б. Кәгазь түләү документларындагы барлык мәгълүматлар ТКХ ДМС күрсәткечләре белән туры килергә тиеш.
Татарстан Торак инспекциясе матбугат хезмәте