Түбән Мактама штп. күчмә тикшерүнең беренче нәтиҗәләре
Әлмәт районы идарәче компаниясе директоры Некрасов урамындагы 30 нчы йортны һәм Садовая урамындагы 1 нче йортны карап тоткан өчен бер көндә ике тапкыр административ җаваплылыкка тартылды. Түбән Мактама штп. район башкарма комитеты җитәкчесе һәм Татарстанның баш дәүләт торак инспекторы катнашында узган күчмә тикшерүнең беренче нәтиҗәләре бу.
Исегезгә төшерәбез, 27 мартта Гүзәл Хәбетдинова һәм Александр Тыгин берничә йортны карадылар. Мәсәлән, Садовая урамындагы бер фатирда яшәү өчен шартлар бөтенләй яраксыз: күгәрек, лайла, су үтү эзләре. Некрасов урамындагы йортта – подвалны канализация агынтылары белән су баскан, салкын су торбаларында коррозия һәм тутыгу күренешләре бар һ.б.
Бернәрсә дә эшләмәгән өчен «ЖЭУ-11» ҖЧҖ директоры 75 мең сумлык штрафка тартылды. Хокук бозуларны бетерү буенча күрсәтмәләр үтәлеше республиканың баш дәүләт инспекторы контролендә.
Әлмәт районында яшәүчеләрне чираттагы мәртәбә бергәләп кабул итү планлаштырылган. Инспекция сайтында һәм социаль челтәрләрендә алхәбәр урнаштырылачак.
Татарстан Торак инспекциясе матбугат хезмәте