Өегездә челтәрләрнең тузу дәрәҗәсе нинди?
Быел Татарстанның Торак инспекциясенә капиталь ремонт белән бәйле 305 шикаять керде. Йә аның ничек башкарылуы белән канәгать түгелләр, йә аны озак көтәләр.
Капиталь ремонтны планлаштыруны кыенлаштыра торган сәбәпләрнең берсе – идарәче компанияләр ТКХ ДМС системасыннан күпфатирлы йортның инженерлык челтәрләре буенча мәгълүмат кертмәгәннәр.
Мисал өчен, Казан шәһәренең ТЭЦ урамындагы 4а йорт үрнәк булып тора. Мәйданнар, фатирлар саны, лифтлар гына түгел, инженер системаларының торышы турында да күрсәтелгән. Аерым алганда: кара корычтан йорт эчендәге җылыту системасы челтәре, алюминий фольга белән капланган минераль мамыктан җылылык изоляциясе, тузу проценты – 0% һ.б.
Артта калучылар арасында: Зеленодольск «Жилкомсервис» ИК, Казанның «Дербышки» ТКХ» ИК», «Баулы шәһәре һәм Баулы районы ИК», «Актүбә ИК» һәм Спасның «ШЕРОНОВА 23» ТМШ.
Инженерлык челтәрләре турында мәгълүматны урнаштырмау капиталь ремонтны планлаштыруны кыенлаштырып кына калмый, ә йортны карап тотуга һәм агымдагы ремонтка дөрес тарифлар куюга да йогынты ясый.
Татарстанлыларга ДМС үз йортлары турындагы мәгълүматны тикшерергә киңәш итәбез. Сез челтәрләрнең күрсәтелгән тузу проценты белән килешәсезме?
Татарстан Торак инспекциясе матбугат хезмәте