Ике тапкыр «Жильё»
Түбән Каманың «Жильё» ИК янә Татарстан Торак инспекциясенең тискәре сводкасында. Башта Тынычлык проспектындагы 105нче йорт белән, аннары Вокзал урамындагы 28нче йорт белән бәйле вәзгыять аркасында. Биредә яшәүчеләрдән шикаятьләр килде, аларны карау нәтиҗәләре буенча ИК директоры урынбасары 120 мең сум штрафка тартылды.
Түбән Кама инспекторлары тикшерү уздырды, барлык хокук бозулар расланды. Беренче адрес буенча подвалда канализация бассейны барлыкка килгән. Ис шулкадәр көчле ки, подвалда торып булмый. Икенче адрес: подвалда төзелеш һәм көнкүреш чүп-чарлары, канализацияне су басу эзләре, канализация системасы торбалары астында терәкләр юк, салкын су торбалары эленеп тора һ.б.
«Жилье» ИК ҖЧҖ идарәче компаниясе директоры урынбасары үз вазыйфаларын тиешенчә башкармаган. Административ хокук бозулар турында РФ кодексының 14.1.3 ст. 2 өлеше нигезендә вазыйфаи затларга 50 меңнән 100 мең сумга кадәр административ штраф салу яки өч елга кадәр дисквалификацияләүгә; юридик затларга ике йөз илле меңнән өч йөз мең сумга кадәр административ штраф салуга китерә.
Директор урынбасарына 120 мең сумлык штраф билгеләнде
Татарстан Торак инспекциясе матбугат хезмәте