Казанлыларга 220 мең сумнан артык акча кайтарылган
Бер атна эчендә сыйфатсыз хезмәтләр өчен 220 мең сумнан артык исәп-хисап ясалган. Акчалар казанлыларга су белән тәэмин итү объектларындагы аварияләрне артык озак бетергәнгә кире кайтарылган. Рөхсәт ителгән срокларны узган өчен Торак инспекциясе хезмәт күрсәтүчеләрне административ җаваплылыкка тарта һәм кулланучыларга тиешле сыйфатта булмаган хезмәт өчен яңадан исәп-хисап ясарга мәҗбүр итә. Бу очракта – аның булмавы өчен.
Бер атна эчендә Татарстан Торак инспекциясе идарәче компанияләргә 87 кисәтү белдерде. Аларның 40 – гомуми мөлкәтне тоту кагыйдәләрен бозган өчен, 24 – сыйфатсыз коммуналь хезмәтләр күрсәткән өчен.
Мисал өчен, «Салават күпере» ИК ҖЧҖ Казанның Зур Урамындагы 1 нче номерлы йорт фатирларының берсендә идән туңган өчен кисәтү белдерелде.
Башкаланың тагын бер «Домсервис» компаниясенә агымдагы елның сентябренә кадәр Ф.Әмирхан урамындагы 103 нче йорттагы хокук бозуларны бетерү турында күрсәтмә бирелде: бинаның фасадында ярыклар бар, ИК җимерелү сәбәбен ачыкларга һәм бетерергә тиеш.
Әлмәтнең «ЖЭУ-3» ҖЧҖ май аена кадәр Р.Фәхретдин урамындагы 54 нче йортның түбәсенең бер өлешен ремонтларга тиеш.
Түбән Каманың «Әйбәт» компаниясе, фатирны су басмасын өчен, 1 июльгә кадәр Чишмәле урамындагы 9 нчы йорт фасадындагы панельләрнең тоташу урыннарын торгызырга тиеш.
Татарстан Торак инспекциясе матбугат хезмәте