Үтәлеше – Инспекция күзәтчелегендә
Автокаланың дүрт идарәче компаниясе бер көн эчендә кисәтүләр алды, аларның берсе – икене. Республиканың Торак инспекциясендә Чаллы халкының торакларны карап тотучыларның эшсезлегенә карата шикаятьләрен каралды.
Мәсәлән, Автозавод проспектындагы 59нчы йортта һәм Вахитов проспектындагы 50нче йортта территория җыештырылмый. Ш.Усманов урамындагы 18Ж номерлы йортта лифт төзек түгел. Чәчәкле бульварындагы 1 нче йорт ишегалдында эре габаритлы һәм көнкүреш чүп-чарлары ята. П.Корчагин исемендәге бульварда 11 нче йорт түбәсеннән боз төшерелмәгән.
«Паритет», «Жилкомсервис», «Домико» һәм «Ремжилстрой» идарәче компанияләренә мәҗбүри таләпләрне бозуның ярамавы турында кисәтү белдерелде. Барысы да торак фондын карап тотуны контрольдә тотуны көчәйтергә, хокук бозуларны бетерергә һәм кабул ителгән чаралар турында Инспекциягә хәбәр итәргә тиеш.
Татарстан Торак инспекциясе матбугат хезмәте