Казанның идарәче компаниясе административ җаваплылыкка тартылды
Татарстан Торак инспекциясендә Казан шәһәренең ике ИК: «СЕРВИС-ГАРАНТ» ИК ҖЧҖ һәм «Вахитов районы ИК» ҖЧҖ административ хокук бозулары турында материаллар каралды. Һәрберсенә фатир милекчеләреннән шикаятьләр килде. Тикшерү вакытында фактлар расланды.
Ак.Арбузов урамындагы 48 нче йортта подъездда һәм подъезд стеналарыннан штукатурка һәм буяулар коела. Н.Назарбаев урамындагы 12 нче йортта чормада һәм подвалда чүп-чар, подвалдагы торбаүткәргечләрдә коррозия, электр щитлары ачылган, подъездның түшәмнәрендә һәм стеналарында буяу катламнары купкан һ.б.
Йортларның хәле начараюга юл куйган идарәче компанияләрнең вазыйфаи затлары административ җаваплылыкка тартылды. «СЕРВИС-ГАРАНТ» ИК директорына – 52 мең сум, «Вахитов районы ИК» директорына 56 мең сум күләмендә штраф билгеләнде.
Бозуларны бетерү – Татарстан Торак инспекциясе контролендә.
Татарстан Торак инспекциясе матбугат хезмәте