Нурлатның «Эталон» ИК директоры штрафка тартылды
Нурлат шәһәрендә республиканың Торак инспекциясе һәм прокуратура җирле идарәче компанияне тикшерде. Гыйматдинов урамындагы 56нчы һәм Нефтьчеләр урамындагы 8нче йортларда булдылар. Һәрберсендә – хокук бозу фактлары.
Беренчесендә стена, тәрәзә янтыклары һәм тәрәзә төпләре канәгатьләнерлек хәлдә түгел. Икенчесендә фатирларның берсен су басуга сәбәп булган түбә ябуга бәйле проблемалар. Моннан тыш, төтен чыгаргычның өске өлеше, түбәгә чыгу өлеше һәм парапетлар начар хәлдә.
РФ ТК 161 ст. 2.3 өлеше нигезендә идарәче оешма фатир милекчеләре алдында җаваплы һәм йортны тиешенчә карап тотуны тәэмин итәргә тиеш. «Эталон» ҖЧҖ директоры милекчеләрнең гомуми милке җимерелә башлауга юл куйган. Вазыйфаи зат 27 мең сум штраф рәвешендә административ җаваплылыкка тартылды.
Татарстан Торак инспекциясе матбугат хезмәте