Торак инспекциясе ТТК милекчеләренең капиталь ремонтка хокукын яклый
Татарстанның Торак инспекциясе «Темп-69» торак-төзелеш кооперативын капиталь ремонтка кертемнәр туплау өлешендә тикшерә башлады. Дөресрәге, милекчеләрнең тупланмаларын максатчан файдаланмау аркасында.
Дүрт ел эчендә ТТК 3,6 млн.сумнан артык акча җыйган. Әмма тикшерү вакытында счетта нибары 2 млн. аз гына артык акча бар, калганы узган ел ике подъезд һәм лифт шахталары түбәсен ремонтлауга тотылган.
Бу елга Казан шәһәренең Ямашев проспектындагы 87 нче йортка капиталь ремонт ясау планлаштырылган. Әмма ремонтларга теләгән бөтен нәрсәгә акча җитмәячәк. Регоператорның гомуми казнасыннан капиталь ремонтка акча алу мөмкин түгел: уртак казнадан үз акчаларын «Торак-коммуналь хуҗалык фонды» КО ышанып тапшырган һәм шул уртак казнага акча күчереп барган кешеләр генә файдалана ала.
Татарстанның Торак инспекциясе тикшерү үткәрә, алга таба суд аша акчаны кире кайтаруга ирешергә кирәк.
Татарстан Торак инспекциясе матбугат хезмәте