Үтәкүренмәле түгел: хезмәт күрсәтүчеләр нәрсәләне яшерә?
Ни өчен «Газпром трансгаз Казан»ның 1,5 миллионнан артык, ә «ТАТЭНЕРГОСБЫТ»ның 880 меңнән кимрәк? Һәм бу әле һәр фатирда да газ бумаган, ә электр энергиясе республиканың барлык күпфатирлы йортларында һәм шәхси секторларында булган очракта.
Бу риторик сорау түгел. Җавап таләп ителә: ни өчен ТКХ ДМС федераль системасында татарстанлыларның барлык шәхси счетлары һәм түләү документлары урнаштырылмаган?
Татарстанның Торак инспекциясе агымдагы елның гыйнварында ресурслар белән тәэмин итүче оешмаларның шәхси счетларын һәм түләү документларын урнаштыру буенча мәгълүматны анализлады.
«Газпром трансгаз Казан» ҖЧҖ генә отличник диярлек - системада түләү документлары белән 1,5 миллионнан артык шәхси счет урнаштырылган. Ягъни кулланучылар «зәңгәр ягулык»ны күпме кулланганнарын һәм моның нинди бәягә төшүен күрә ала.
Электр энергиясе белән тәэмин итүче «ТАТЭНЕРГОСБЫТ» АҖ 880 меңнән дә ким шәхси счет урнаштырган, һәм аларның барысы да түләү документлары белән түгел. Ягъни шәхси счет күрсәтелгән, ә гаиләнең күпме кВт сарыф иткәне һәм түләгәне турында белешмә юк.
«Гринта» ККК һәм «ПЖКХ» ИК төбәк операторлары да ерак китмәгән, 800 меңгә якын шәхси счет урнаштырганнар. Түләү документлары аннан да азрак.
ТКХ системасында мәгълүмат урнаштыру – коммуналь һәм ресурслар белән тәэмин итүче оешмаларның бурычы. Россия Хөкүмәтенең нияте – торак-коммуналь хуҗалык өлкәсен россиялеләр өчен үтәкүренмәле итү.
Мисал өчен, системада картада үз йортыңны һәм аның турында һәм аңа хезмәт күрсәтүче оешмалар турында мәгълүмат табарга мөмкин. Моннан тыш, үз фатирың һәм өең буенча мәгълүматны күрергә, торак-коммуналь хуҗалык хезмәтләре өчен түләүләрнең дөреслеген тикшерергә һәм аларны түләргә, исәпкә алу приборлары күрсәткечләрен электрон рәвештә тапшырырга, йорт буенча башкарылган эшләрнең килешүләрен һәм актларын күрергә була. Шәхси кабинет аша Татарстан Торак инспекциясенә, ресурс белән тәэмин итүче оешмага, идарәче компаниягә яки торак милекчеләре ширкәтенә шикаятьләр һәм мөрәҗәгатьләр җибәрергә, милекчеләрнең гомуми җыелышларында электрон тавыш бирүдә катнашырга мөмкин.
Әмма барлык татарстанлылар өчен дә федераль сервис мөмкин түгел. Татарстанлыларга торак-коммуналь хуҗалык системасында «коммуналь» кабинет ачарга киңәш итәбез. Әгәр дә идарәче һәм ресурс белән тәэмин итүче оешманың яшерерлек нәрсәсе булмаса, алар барлык мәгълүматны да урнаштырачаклар.
Татарстан Торак инспекциясе матбугат хезмәте