Суд Торак инспекциясенең ИК директорына каршы дәгъвасын хуплады
Казан шәһәренең Яңа Савин районы буенча 11 нче суд участогы җәмәгать судьясы «Уютный дом» ИК директорының РФ КоАП 14.1.3 ст. 2 өлеше буенча административ хокук бозуын таныды. Вазыйфаи затка 70 мең сум күләмендә штраф билгеләнде.
Торак инспекциясе ИК җитәкчесен дисквалификацияләүгә ирешергә ниятләде. Гаврилов урамындагы бер генә йортны, атап әйткәндә, 2 нче номерлы йортны карап тоту гына да эшкуар вазыйфаларын санга сукмау факты булып тора.
Исегезгә төшерәбез, идарәче компанияләр күпфатирлы йорт белән идарә итү буенча эшкуарлык эшчәнлеген алып баралар. Ягъни бу бизнес, йорт белән идарә итү хезмәте өчен түли торган милекчеләр – клиентлар. Шуңа да карамастан, ИК карата дәгъвалар милекчеләрнең үзләреннән дә, Торак инспекциясеннән дә күп.
Татарстанның Торак инспекциясе алга таба да үз бурычларын һәм милекчеләрнең таләпләрен санга сукмаган вазыйфаи затларны дисквалификацияләүгә ирешәчәк. Күпфатирлы йорт белән идарә итү торак-коммуналь хезмәтләр өчен түләү җыюга гына кайтып калмый. Әгәр коммуналь хезмәтләр өчен финанслар хезмәт күрсәтүчеләргә җибәрелсә, торак компанияләре идарәче компанияләр тарафыннан тулысынча күрсәтелергә тиеш.
Татарстан Торак инспекциясе матбугат хезмәте