Газ белән тәэмин итү объектларында бер атна эчендә булган хәлләр турында
Бер атна эчендә күпфатирлы йортларда 5 очрак булган: берсе – Әлмәттә, калганнары – Казанда.
Нефть башкаласында М.Җәлил урамындагы 41а йорттан 1982 елда туган хатын-кызны һәм 1979 елда туган ир-атны хастаханәгә салалар. Фатирда газ плитәләре һәм аккан суны җылытып чыгара торган җайланма урнаштырылган. Ваннада – электр вентиляторы. Вентилятор кабызылган вакытта төтен торбасында һәм вентиляция каналында тарту көче юк. Җиһазларны тикшергәннән соң махсуслаштырылган оешма хезмәткәрләре фатирда яшәүчеләргә фаҗигане булдырмас өчен клапаннар куярга киңәш иткәннәр.
Карбышев урамындагы 42 нче йортта, Чехов урамындагы 4Б нчы йортта, Чкалов урамындагы 4/2 нче йортта газүткәргечләрнең герметик булмау очракларын бетергәннәр.
Годовиков урамындагы 14 нче йортта газны Авиатөзелеш районы идарәче компаниясе үтенече буенча төтен чыгаргычны һәм вентканалны тикшерү өчен сүндергәннәр.
Тикшерүдән һәм барлык фатирларга керү мөмкинлегеннән соң, барлык йортларда да газ белән тәэмин итү торгызылган.
Ел башыннан 76 татарстанлы фатирга газ хезмәткәрләрен кертмәгән, 7се җиһазларын үз белдеге белән алыштырган, 1се техник хезмәт күрсәтүгә килешү төзүдән баш тарткан.
17 кеше административ җаваплылыкка тартылган. Штрафларның гомуми суммасы – 100 мең сум. Калганнары буенча – эшләр карала.
Быел, узган ел азагында кергән материалларны да исәпкә алып, 53енә 359 мең сум штраф салынган, 82се – карала.
Үзегезне һәм якыннарыгызны саклагыз!
Татарстан Торак инспекциясе матбугат хезмәте