Ә сезнең идарәче компания торак-коммуналь хуҗалык системасына мәгълүмат урнаштырганмы?
Татарстанның идарәче компанияләре электр энергиясен, су һәм җылылык белән тәэмин итүне исәпкә алу приборлары күрсәткечләрен яшерә. Исәпләү приборларының үзләрен дә. Татарстанлылар мәгълүмат бирә: индивидуаль исәпләү приборын алыштырганнар, приборның яңа номерын хәбәр иткәннәр, ай саен күрсәткечләр тапшыралар. Мәгълүматлар нигезендә түләү исәпләнә.
Торак инспекциясе ТКХ дәүләт системасында урнаштырылган мәгълүматларга анализ ясады. Ләкин ИК ягыннан барысы да алай ук үтәкүренмәле түгел!
Исегезгә төшерәбез, КФЙ идарәсенә кагылышлы бөтен нәрсәне әлеге системага урнаштыру мәҗбүри һәм 21.07.2014 ел, №209-ФЗ федераль законы таләпләренә туры килергә тиеш. Ягъни торак белән идарә итүчеләрнең эшчәнлеге һәркемгә ачык һәм аңлаешлы булырга тиеш. Әмма күп кенә идарәче компанияләр закон таләпләрен үтәми. Мисал өчен, ТОП-3 антилидер – Казанның «УК ЖИК», «УК ЖИЛСЕРВИС», «УК ПОВОЛЖЬЕ». Алар исәпләү приборлары турында мәгълүматны: аларның номерларын, кую датасын урнаштырмаганнар.
«ЖИК» ИК идарәсендә 14 меңгә якын шәхси счет бар, җылылык буенча исәпләү приборларының 1,15% өлеше генә ТКХ системасына кертелгән.
«ПОВОЛЖЬЕ» ИК идарәсендә 1100гә якын шәхси счет, җылылык буенча исәпләү приборларының 7,37% өлеше генә урнаштырылган.
«ЖИЛСЕРВИС» ИК идарәсендә – 13750 шәхси счет, җылылык, электр, кайнар һәм салкын су белән тәэмин итү буенча исәпләү приборларының уртача 7,5% мәгълүматлары урнаштырылган.
Казан идарәче компанияләре арасында югары күрсәткечләргә ияләре дә бар, әйтик: «АДС ПРИВОЛЖСКИЙ» ҖЧҖ (94,99%), «ТКХ Гвардейская» ИК ҖЧҖ (94,97%).
90% артык күрсәткечләре булган «яхшылар» арасында:
- 10 Чаллы компаниясе: «ПКФ «ЖИЛКОМСЕРВИС» ҖЧҖ (94,49%), «СТРОИМ БУДУЩЕЕ» ИК» ҖЧҖ (94,13%) һәм башкалар;
- Зеленодольскиның «ЖИЛКОМПЛЕКС» ИК» ҖЧҖ (94,24%),
- 19 казанлы: «РЕМОНТСЕРВИС» ҖЧҖ (94,28%), «ЗАРЕЧЬЕ» ИК» ҖЧҖ (94,24 %) һәм башкалар.
Шулай ук Азнакай, Әлмәт, Зәй, Зеленодольск районнарының 6 компаниясе.
Татарстанның Торак инспекциясе идарәче компанияләрнең мәгълүматларын ТКХ ДМС системасындагы шәхси кабинетта тикшерергә, шулай ук уңайлылык өчен Госулуги.Дом мобиль кушымтасын кулланырга киңәш итә: индивидуаль исәпләү приборларының номерлары системада күрсәтелгәнме, приборларның күрсәткечләре, тикшерү датасы дөресме?
Татарстан Торак инспекциясе матбугат хезмәте