Инспекция инцидентларның шартларын ачыклый

2025 елның 14 марты, җомга

Казанның өч йортында газүткәргечтәге тоташуның герметик булмавы «зәңгәр ягулык»ны сүндерүгә сәбәп булган.  Авария хезмәткәрләре газ исе турындагы хәбәр буенча Лукницкий урамындагы 6 нчы йортка, Заслонов урамындагы 3 нче йортка, Авангард урамындагы 88 нче йортка килгәннәр.

Барлык очракларда да барлык фатирларны тикшереп, сәбәпләрне бетергәннән соң газ белән тәэмин итү торгызылган.

Инспекция инцидентларның шартларын ачыклый, шулай ук идарәче компанияләр һәм газ хезмәте тарафыннан йөкләмәләр үтәлешен тикшерә.

Татарстан Торак инспекциясе матбугат хезмәте