Казанлылар игътибарына: идарәче компанияне алмаштыру турында беркетмәләр килде
Татарстанның Торак инспекциясе Волков урамындагы 2 нче корпус, 12 нче йортта яшәүчеләргә мөрәҗәгать итә: Инспекциягә милекчеләрнең гомуми җыелышы беркетмәсе керде. Көн тәртибендәге төп мәсьәлә – яңа идарәче оешманы сайлау.
Җыелыш беркетмәсе нигезендә, милекчеләр күпчелек тавыш белән үз мөлкәтен «Преображение» идарәче компаниясенә ышанып тапшырганнар.
Шулаймы бу? Әгәр фатир хуҗалары әлеге идарәче компанияне сайлау буенча гомуми җыелышта катнашмаган, тавыш бирмәгән, бюллетеньнәрне имзаламаган икән, шәхсән Татарстан Торак инспекциясенә мөрәҗәгать итүегезне сорыйбыз.
Гомуми җыелышларны «Госуслуги. Дом» мобиль кушымтасы ярдәмендә уздырырга киңәш итәбез. Бу очракта беркетмәләрне ялганлап ясау мөмкинлеге юк.
Татарстан Торак инспекциясе матбугат хезмәте