Суд «Эталон» ҖЧҖ идарәче компаниясе директорын Татарстан Торак инспекциясе күрсәтмәне үтәмәгән өчен административ җаваплылыкка тартты
Суд «Эталон» ҖЧҖ идарәче компаниясе директорын Татарстан Торак инспекциясе күрсәтмәне үтәмәгән өчен административ җаваплылыкка тартты.
Нурлат шәһәренең Нефтьчеләр урамындагы 7а йортта яшәүченең шикаятенә нигезләнеп, Инспекция тикшерү үткәрде һәм берничә хокук бозуны ачыклады: вентиляция стоягы җимерелгән, су агызу системасының төзексезлеге, фасадтагы газүткәргеч торбаларның буяулары купкан, түбәдә, чормада проблемалар, подвалларны канализация агынтылары белән су баскан.
Инспекторлар фикеренчә, хокук бозуларның сәбәбе – ИК директорының күпфатирлы йортлар белән идарә итү буенча үз бурычларын тиешенчә үтәмәве. Вазыйфаи затка 25 мең сум штраф салынды һәм хокук бозуны бетерергә кушылды. Әмма күрсәтмә үтәлмәгән, хокук бозулар бетерелмәгән. Шуңа күрә административ эш материалын судка җибәрделәр.
Судья ИК директорын гаепле дип таныды һәм 4 мең сум күләмендә штраф рәвешендә җәза билгеләде. Сумма минималь, хокук бозучының сәламәтлеге торышы һәм матди хәле исәпкә алынды.
Җитешсезлекнең бетерелүе Инспекция контролендә кала.
ТР ДТИ матбугат хезмәте