Капиталь ремонтны тупланмаларсыз үткәреп булырмы?
Күптән көтелгән капиталь ремонт Казанның Гвардия урамындагы 16 нчы йортка да киләчәк. Бу «Йорт-3» торак милекчеләре ширкәте. 10 елдан артык элек милекчеләр капиталь ремонт өчен кертемнәр туплау өчен махсус банк счетын сайлаганнар. Ягъни аларның – шәхси счет. Капиталь ремонт башланыр вакытка счетта җитәрлек акча тупланыр дип көтелгән. Әмма анда нибары 1,2 млн.сумнан бераз гына артык акча тупланган. Калганы кайда?
Керү төркемнәрен, балконнарны һ.б. ремонтлау – узган ел дәвамында милекчеләр үз мөлкәтен 2,5 млн.сумга яңарткан. Ягъни барысы да тәртиптә, барысы да үз өйләре өчен эшләнгән. Әмма бу законга каршы.
Кертемнәр – капиталь ремонт фонды, ул төбәк программасы кысаларында уза. Быел республикада 875 күпфатирлы йортны ремонтлау планлаштырылган, шуларның 22се акчаларын махсус банк счетына салып барган. Әмма барысы да республика программасын гамәлгә ашыру өчен үз акчаларын саклап кала алмаган.
Мисал өчен, «Речник-90» торак милекчеләре ширкәте (Казан, Мусин ур., 78) үз тупланмаларын саклап калган. Димәк, капремонт планын быелгы җәйдә үк тормышка ашырып булачак. Ә «Йорт-3» торак милекчеләренә уйланылганнарны тормышка ашыру өчен акча җитмәячәк. Кайтарырга туры килер.
Капиталь ремонт фондын формалаштыру федераль законнар белән регламентлана һәм акчаларны максатчан тотуга юнәлдерелгән. Монда максат – капиталь ремонт буенча региональ программаны гамәлгә ашыру.
Татарстан Торак инспекциясе тикшерү үткәрә, материаллар судка җибәреләчәк.
Татарстан Торак инспекциясе матбугат хезмәте