Үтәмәде, тагын штраф
Нурлат идарәче компаниясе директорына торак инспекторы күрсәтмәсен үтәмәгәне өчен штраф салынды. Шуңа да карамастан, бу Административ хокук бозулар турында РФ кодексының 19.6 ст. буенча административ хокук бозу булып тора.
Узган елның сентябрендә торак инспекторы Нурлат шәһәренең Садовая урамындагы 1а йортта яшәүчеләрнең шикаятьләре буенча тикшерү үткәрде. Берничә хокук бозу очрагы ачыкланды: чормада чүп-чар, штукатурка һәм цоколь тышчасы җимерелгән, түбәдәге вентканал башлыклары җимерелгән.
Хокук бозуларга «Ямьле йорт» ИК ҖЧҖ директоры юл куйган, чөнки ул вазыйфаи бурычларын үтәмәгән. Вазыйфаи затка 25 мең сум күләмендә штраф билгеләнде, хокук бозуларны бетерү өчен күрсәтмәләр бирелде. Барысын да бетермәгән. Шуңа күрә Инспекция материалларны судка җибәрде. Нәтиҗә – Административ хокук бозулар турында РФ кодексының 14.1.3 ст. 2 өлеше буенча хокук бозган өчен 4500 сум күләмендә тагын бер штраф.
Күпфатирлы йорт белән идарә итү – ул бизнес. Һәм эшчәнлекнең нәкъ менә шушы өлкәсен сайларга карар кылган һәркем милекчеләргә сыйфатлы торак-коммуналь хезмәтләр күрсәтергә тиеш.
Татарстан Торак инспекциясе татарстанлыларның мөрәҗәгатьләренә игътибар белән карый, аларның торак хокукларын бозу фактлары ачыкланган очракта, хокук бозучыларга карата тиешле чаралар күрә.
Торак инспекциясе таләпләрен санга сукмау вазыйфаи затны дисквалификацияләүгә сәбәп булырга мөмкин. Әлегә бер генә суд та мондый карарны кабул итмәде, әмма республиканың Торак инспекциясе үз вазыйфаи бурычларын санга сукмаучыларны торак-коммуналь хуҗалык өлкәсендә бизнес белән шөгыльләнү хокукыннан мәхрүм итүгә ирешү омтылышларын ярты юлда калдырмаячак.
Татарстан Торак инспекциясе матбугат хезмәте