Зеленодольск халкы, шикаятьләр көтәбез!
Татарстан Торак инспекциясенә аноним хәбәрләр килде: Зеленодольск шәһәрендә Тургенев урамындагы 12нче йорт ишегалларында һәм Заикин урамындагы 16нчы йорт ишегалларында юлларда һәм тротуарларда кар ята. Әмма 59-ФЗ нигезендә аноним хәбәрләр каралмый. Инспекция тикшерүләргә чыгарга, бигрәк тә аноним рәвештә яки тәхәллүс астында килгән хәбәрләр буенча гаеплеләрне җаваплылыкка тартырга хокуклы түгел.
Әгәр йорт кешесеннән бер генә мөрәҗәгать булса да, инспекторлар кичекмәстән тикшерү белән чыгарга әзер. Сезнең тәртипсезлеккә ачуыгыз язма шикаятьтә чагылсын. Безгә рәсми рәвештә языгыз, һәм хокук бозуларга юл куйган вазыйфаи затлар административ җаваплылыкка тартылачак. Сыйфатсыз торак-коммуналь хезмәтләр – түләү күләмен яңадан исәпләү өчен нигез. Сезгә хезмәтне күрсәтмиләр икән, димәк, түләүләрне яңадан исәпләтү хокукыгыз бар.
Мөрәҗәгатьләрегезне көтәбез: - электрон почта: tatgi@tatar.ru - интернет-кабул итү: https://gji.tatarstan.ru/priem.htm - «Халык контроле» системасы https://uslugi.tatarstan.ru/open-gov - адрес: Казан шәһәре, Б.Красная урамы, 15/9 (почта аша яки шәхсән).
Татарстан Торак инспекциясе матбугат хезмәте