Газ – җылыта, ә ялны – хастаханәдә
Әлмәт шәһәрендә 1993 елгы ир-ат, 1999 елгы хатын-кыз һәм 2020 елгы бала хастаханәгә озатылган. Алар Р. Фәхретдин урамындагы 14 нче йортта яшиләр. Үзләрен начар хис итә башлап, ашыгыч медицина ярдәме чакыртканнар.
Сәбәбе: бинаны газ плитәсе ярдәмендә җылытканнар. Фатирны тикшерү вакытында ачыкланганча, тәрәзәләр ачык булганда, вентканалда һәм төтен чыгаргычта һава тарту көче бар. Фатирны газ белән тәэмин итү металл заглушка урнаштыру юлы белән сүндерелгән.
Казан шәһәренең Мусин урамындагы 47 нче һәм 59 нчы йортларда яшәүче хатын-кызлар 7 нче шәһәр клиник хастаханәсенә озатылган. Икесе дә үз фатирларында үзләрен начар хис итә башлаганнар. Газ хезмәткәрләренең 47 нче йорттагы зыян күрүченең фатирына керү мөмкинлеге булмаган. Газ белән тәэмин итүне идарәче компания торба-мич хезмәтеннән акт биргәннән соң торгызганнар.
59 нчы йортта зыян күрүченең фатирында тикшерү вакытында төтен чыгаргычта һәм вентиляция каналында һава тарту көченең начар булуы, тәрәзә ябык булганда кирегә тарту күренеше ачыкланган.
Якшәмбегә каршы төндә Азнакай районының Тымытык торак пунктының Яңалиф урамындагы йортларның берсендә газлаштырылган мунчада янгын чыккан. Янгынның беренчел сәбәбе – электрүткәргечтәге кыска ялганыш. Мунча газ белән тәэмин итүдән өзелгән.
Үзегезне һәм якыннарыгызны саклагыз.
Татарстан Торак инспекциясе матбугат хезмәте