Васильевода яшәүчеләр игътибарына: идарәче компанияне алмаштыру турында беркетмәләр килде
Татарстанның Торак инспекциясе Васильево бистәсендә яшәүчеләргә мөрәҗәгать итә: Инспекциягә бина милекчеләренең гомуми җыелышлары беркетмәләре килде. Көн тәртибендәге төп мәсьәлә – яңа идарәче оешманы сайлау.
Җыелыш беркетмәләре нигезендә, милекчеләр: Мәктәп урамы буенча 31 нче йорт, Санаторий территориясе буенча 2 нче йорт, Лагерь урамы буенча 11 нче йорт, Стаханов урамы буенча 69 нчы йорт, Октябрь урамы буенча 6 нчы йорт күпчелек тавыш белән «ТЭСК» ҖЧҖ белән килешүне өзәргә һәм үз мөлкәтләрен «Унидом» ҖЧҖ идарәче оешмасына ышанып тапшырырга карар кылганнар.
Шулаймы бу? Әгәр фатир хуҗалары әлеге идарәче компанияне сайлау буенча гомуми җыелышта катнашмаган, тавыш бирмәгән, бюллетеньнәрне имзаламаган икән, шәхсән Татарстан Торак инспекциясенә мөрәҗәгать итүегезне сорыйбыз.
Гомуми җыелышларны «Госуслуги. Дом» мобиль кушымтасы ярдәмендә уздырырга киңәш итәбез. Бу очракта беркетмәләрне ялганлап ясау мөмкинлеге юк.
Татарстан Торак инспекциясе матбугат хезмәте