Торак милекчеләре ширкәтенә зарланган, ләкин үзе дә гаепле
Казанда яшәүче торак милекчеләре ширкәтенең эшләмәвенә зарланды: кайнар су белән тәэмин итү торбаүткәргеч торбасы агып тора, ә ширкәт җитәкчелеге бу проблемага игътибар итми. Бу хакта Волков урамындагы 55/21 нче йорттагы фатир хуҗасы республиканың баш торак инспекторына шәхси кабул итүдә хәбәр итте.
Инспекторлар тикшерү белән чыктылар: суүткәргечнең агуы расланмады. Әмма мөрәҗәгать итүченең фатирында гомуми торбаүткәргечкә рөхсәтсез тоташтыру урыны ачыкланды. Ак торбаларда кара маркер белән «биде», «водонагреватель» һ.б. язулар бар. Өстәвенә, индивидуаль исәпләү приборына тоташтыру да башкарылган.
Әгәр дә йорт кинәт кайнар су кубларын күбрәк куллана башласа, милекчеләр мәнфәгатьләрендә сәбәбен ачыкларга кирәк. Бәлки, кемдер гомуми кайнар су белән фатир идәннәрен җылыткандыр, сөлге киптергечләр, биде һәм башкаларны урнаштыргандыр. Ләкин үзе счетчик күрсәткечләре буенча гына, ягънида кухняда һәм ваннада тотылган су өчен генә түли. Ә калган кубометрларны гомумйорт исәпләү приборы күрсәтә. Һәм бу артык чыгым – барлык милекчеләр җилкәсендә.
Моннан тыш, мансарда түбәсеннән һәм подъездлар арасындагы аркалардан кар асылынып тора.
«ЛУЧ+» ТМШ адресына торак милекчесе шикаятьләрен игътибарсыз калдырган өчен мәҗбүри таләпләрне бозуга юл куймау турында кисәтү бирелде. Калганы өчен – 40 мең сум штраф.
Татарстан Торак инспекциясе матбугат хезмәте