«Риза түгел, мин гаепле түгел»: Казан идарәче компаниясе директоры җаваплылыкка тартылды
Татарстан Торак инспекциясе Казан шәһәренең Четаев урамындагы 27а йортында тикшерү үткәрде. Милекче подвалны су басуга зарлана.
Инспекция визиты барышында подвал су астында гына түгел, чүп-чарда да икәнлеге ачыкланды. Моннан тыш, штукатурка коела һәм урыны-урыны белән керү төркемнәренең түшәмә плитәләре җимерелгән, подъездларның керү ишекләре һәм бикләү арматураларыннан югарырак газ торбаларында коррозия, 2 нче подъездның тәрәзәләре ватык, подъездның стеналарында буяулар купкан.
«УК УЮТНЫЙ ДОМ ГРУПП» ҖЧҖ Россия Дәүләт төзелеш күзәтчелегенең «Торак фондын техник эксплуатацияләү кагыйдәләрен һәм нормаларын раслау турында» 170 номерлы боерыгы белән расланган Кагыйдәләрнең берничә пунктын бозган.
Идарәче компания йортның һәр милекчесе белән төзелгән идарә килешүе буенча үз йөкләмәләрен үтәргә тиеш. Шулай ук лицензия таләпләрен үтәргә. Барлык хокук бозулар хокук бозу составын тәшкил итә, аның өчен РФ КоАП 14.1.3 ст. 2 өлешендә җаваплылык каралган.
ИК генераль директоры торак Инспекция карарында болай дип язган: «Четаев урамындагы 27 а торак йортының подвалын су басуы белән килешмим. Сәбәбе – «Водоканал» МУП тышкы су үткәрү челтәрләре аркасында.
Директорга кисәтү белдерелде. Җитешсезлекнең бетерелүе Инспекция контролендә кала.
Татарстан Торак инспекциясе матбугат хезмәте