Аварияләрне бетерүче газ хезмәткәрләре 57 тапкыр урынга чыкканнар
Агымдагы ел башыннан Татарстанда газ белән тәэмин итү объектларында 57 очрак теркәлгән. Ягъни көненә – берешәр. Шулардан 13 очракта исле газ белән агулану билгеләре, 8 очракта кушылмаларның герметик булмавы ачыкланган. Калганнары: төтен чыгару юлларының җимерелүе, халыктан шартлау куркынычы турында хәбәрләр, һаваны кире тарту көче һ.б.
Су җылыткыч газ колонкаларын үз белдеге белән урнаштыру очраклары даими теркәлә – газүткәргечкә су эләгүнең 6 очрагы теркәлгән. Аварияләрне бетерүче газ хезмәткәрләре кыска вакыт эчендә нәтиҗәләрне бетерә, ә «профессионал»га счет белдерелә. Торгызу эшләренең бәясе сүндерелә торган фатирлар һәм башкарыла торган эшләр санына бәйле. Бу уртача алганда 10 мең сумга төшә. Максималь тариф – 30 мең сумнан артык. Өстәвенә, үз белдеге белән тоташтырган өчен, Татарстан Торак инспекциясеннән дә штраф ала.
Гадәттән тыш хәлнең сәбәбе шулай ук яңадан планлаштыру очрагы да булгалый. Мәсәлән, кухня һәм торак бүлмәне берләштерәләр, герметик тәрәзәләр урнаштыралар, мәҗбүри суырткычны вентканалга чыгаралар. Ягъни фатирда табигый һава агымы юк.
Ел башыннан 38 кеше зыян күргән, шуларның 13е – балалар.
Татарстан Торак инспекциясе матбугат хезмәте