Бөгелмәдә күп балалы гаилә зыян күргән
Кичә төнлә Бөгелмә районы буенча бердәм дежур-диспетчерлык хезмәтенә Глонасс-112 системасы буенча Бөгелмә шәһәре, Бауман урамы, 2 йорт адресы буенча агулану турында хәбәр килгән.
38 яшьлек хатын-кыз һәм 3,6 һәм 8 яшьлек балалар зыян күргән. Башлангыч диагноз "билгесез матдә белән агулану", җиңел авырлык дәрәҗәсе торышы.
Балалар «Бөгелмә үзәк район хастаханәсе» ДАССО озатылган. Татарстанның Торак инспекциясе әлеге хәлнең сәбәпләрен ачыклый, шулай ук идарәче компанияләр һәм газ хезмәте тарафыннан йөкләмәләр үтәлешен тикшерә.
«Бөгелмәгаз» ЭҖИ бригадасы һаваның кире тартылу, кухня ишеге булмау, плитә өстендә суырткыч һәм санузелда мәҗбүри вентиляция урнаштыру кебек кагыйдә бозу очракларын ачыклаганнар. Газ колонкасы хокук бозуларны бетергәнче сүндерелгән. Ягъни исле газ белән агулануга ярдәм итүче барлык факторлар бетерелгәнче.
Хәзер гадәттән тыш хәл урынында авария бригадасы эшли, фатирга керү мөмкинлеген көтәләр. Татарстанның Торак инспекциясе искәртә: газ плитәсе куелган кухняларда ишек булырга тиеш, аны сүтү законсыз планлаштыру санала.
Үзегезне һәм якыннарыгызны саклагыз.
Татарстан Торак инспекциясе матбугат хезмәте