«Заречье» ИК директоры янә штрафка тартылды
«Заречье» ИК ҖЧҖ директоры административ хокук бозу турындагы эшне карау өчен Татарстанның Торак инспекциясендә булды. Бу юлы Казанның Аккош күле тер. буенча 10 нчы йорт буенча.
Кеше шикаятен тикшергәндә инспекторлар 10нан артык хокук бозу очрагын ачыкладылар: подвалда чүп-чар, канализация торбалары тоташкан урында тамчылап су агып тора, керү урыннарында кирпечләр җимерек, ишегалдында кар һәм бозлавык һ.б.
Директорны хокук бозуда гаепле дип таптылар һәм 55 мең сум күләмендә җәза салдылар. Җитешсезлекнең бетерелүе Инспекция контролендә кала.
Исегезгә төшерәбез, 2024 елның 1 сентябреннән идарәче компанияләргә лицензия таләпләре катгыйландырылды. Лицензияне икътисадый һәм авыр җинаятьләр өчен гамәлдән чыгарылмаган хөкем ителгән гамәлгә куючылар һәм директорлар алмаячак. Лицензияләре гамәлдән чыгарылган оешмаларны гамәлгә куючылар турындагы белешмәләрне өч елга дисквалификацияләнгән затлар реестрына кертәчәкләр һәм алар яңа идарәче компанияләрне төзи алмаячаклар.
ИК җитәкчесен дисквалификацияләргә мөмкин булган кайбер административ хокук бозулар:
- дәүләт күзәтчелеге органының (мәсәлән, Торак инспекциясенең) законлы күрсәтмәсен үтәмәү – өч елга кадәр (Административ хокук бозулар кодексының19.5 ст. 1 өлеше);
- күпфатирлы йорт белән идарә итү буенча эшкуарлык эшчәнлеген гамәлгә ашыру кагыйдәләрен бозу – Административ хокук бозулар кодексының 7.23.3 ст. 1 өлеше;
- эшчәнлекне лицензия таләпләрен бозып алып бару – Административ хокук бозулар кодексының 14.1.3 ст. 2 өлеше.
Татарстан Торак инспекциясе матбугат хезмәте