Куркыныч кар кәрнизләрен һәм боз сөңгеләрен күрдегезме? Хәбәр итегез – чаралар күрербез!

2025 елның 24 феврале, дүшәмбе

Кышын боз сөңгеләре һәм түбәләрдәге карлар җитди куркыныч тудырырга мөмкин. Бигрәк тә кешеләр көн саен йөри торган урыннарда: подъездларда, кибетләрдә, тукталышларда, юл буйларында алар куркыныч. Бозлыкны вакытында бетермәсәң, нәтиҗәләре авыр булырга мөмкин.

Әгәр куркыныч кар төшү ихтималын һәм куркыныч боз сөңгеләрен күрсәгез, нишләргә? Фотога төшегез.  Дәүләт хезмәтләре → шәхси кабинет https://esia.gosuslugi.ru/login/ яки сылтама буенча "Интернет-кабул итү" аша: https://gji.tatarstan.ru/priem.htm мөрәҗәгать калдырыгыз. Төгәл мәгълүматлар (адрес, фото, куркынычка тасвирлама) никадәр күбрәк булса, без чараларны шулкадәр тизрәк кабул итә алачакбыз.

Бик мөһим! Торак инспекциясе тикшерүне рәсми мөрәҗәгатьләр буенча гына үткәрә ала. Шуңа күрә, әгәр дә сез куркыныч боз сөңгеләрен күргәнсез икән, бу хакта безгә Дәүләт хезмәтләре порталында шәхси кабинет аша хәбәр итегез.

Татарстан Торак инспекциясе матбугат хезмәте 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International