Ни өчен счетчик күрсәткечләрен айның 25енә кадәр бирергә кирәк?
Татарстанлыларга исәпләү приборлары күрсәткечләрен биреп өлгерү өчен бер тәүлектән артык вакыт калды. Бу ни өчен кирәк?
Фатир буенча счетчик күрсәткечләрен гомумйорт приборы буенча тапшырыла торган мәгълүмат белән синхронлаштыру өчен. Ул очракта коммуналь хезмәтләр төгәл исәпләп чыгарылачак. Башка очракта, гомуми мөлкәтне тоту өчен коммуналь ресурслар күләме дөрес булмаячак.
Күрсәтмәләрне тапшыру процедурасы РФ Хөкүмәтенең «Коммуналь хезмәтләр күрсәтү кагыйдәләре» 354 нче карары белән регламентлана. Мәсәлән, әлеге карарның 33 пунктында «кулланучы алынган күрсәткечләрне агымдагы исәп-хисап чорының 25 нче көненнән дә соңга калмыйча тапшырырга хокуклы» дип әйтелә. Ягъни исәпкә алу приборлары күрсәткечләре тапшырылмаган өчен штраф санкцияләре булмаячак. Әмма бу гаилә бюджеты өчен отышлы.
Мисал өчен, Казанда дүрт кешедән торган гаилә бер айда 2 куб/м кайнар су «агызган», ди. 25 нче көн ахырына кадәр исәпләү приборлары күрсәткечләрен тапшырырга өлгерсәләр, түләү 1281 сумнан аз гына артыграк булачак. Әгәр тапшырмасалар, исәп-хисап өчен алдагы ярты ел эчендә ресурсларның уртача айлык чыгымын кулланалар, ә өч айдан соң норматив буенча санаячаклар. Кайнар су нормативы буенча 1 кешегә – 3,44 куб/м. Казанлыларга бу 640,68 сумга төшә. Ягъни дүрт кешедән торган экономияле гаилә кулланганга караганда ике тапкыр күбрәк түләячәк, дигән сүз.
Фатир буенча счетчиклардан күрсәткечләр җыюны гомумйорт счетчигы буенча белешмәләр тапшыру белән синхронлаштырырга кирәк. Югыйсә «гомуми милекне карап тотуга коммуналь ресурс» күләме дөрес булмаячак. Гомуми милекне карап тотуга коммуналь ресурс бу очракта — йортның гомуми исәпкә алу приборы күрсәткечләре һәм барлык индивидуаль счетчиклар күрсәткечләре арасындагы аерма (фатирлар һәм йорттагы торак булмаган урыннар).
Алга таба алынган зурлык барлык торак һәм торак булмаган урыннарга, аларның мәйданына пропорциональ рәвештә бүленә. Димәк, әгәр күршеләр күрсәтмәләрне айның беренче көннәрендә тапшырса, аның фатирында кулланылган ресурсларның бөтен күләме бер ай эчендә «гомуми милекне карап тотуга коммуналь ресурс»ка эләгәчәк. Бу очракта һәркемдә сорау туа: ә гомумйорт милкен тотуга чыгымнар ни өчен шундый күп соң? Сүз уңаеннан, гомуми милекне карап тотуга коммуналь ресурс чыгымнары үз күрсәтмәләрен яшергән күршеләр аркасында артырга мөмкин.
Әгәр фатирда бер кеше теркәлгән, ә дүрт кеше яши икән, чыгымнар да тиешенчә булачак. Әмма бер кеше өчен норматив буенча түлиләр, ә калган чыгымнарны бөтен йорт түли булып чыга.
Татарстан Торак инспекциясе матбугат хезмәте