Альметьевск: исле газ белән агулану
Шимбә көнне 11:06 сәгатьтә авария-диспетчерлык хезмәтенә Әлмәт шәһәренең Дуслык урамындагы 5 нче йорттан исле газ белән агулану турында хәбәр килә. Зыян күргән 2003 елгы хатын-кыз һәм 2024 елгы бала «уртача авырлыктагы исле газ белән агулану» диагнозы белән Әлмәт үзәк район хастаханәсенә озатыла. Ябык һәм ачык тәрәзәләрдә һава тарту көче бар.
Зыян күрүчеләрнең фатирында СО2 күрсәткече – 0,45%; алар өстендәге фатирда – 0,13%. Калган катларда һәм фатирларда – 0%, ягъни – норма. Инспекция инцидентларның шартларын ачыклый, шулай ук идарәче компанияләр һәм газ хезмәте тарафыннан йөкләмәләр үтәлешен тикшерә. Белешмә өчен: Углекислоталы газ концентрациясен PPM (миллионнарча өлешләр) — 1 кубометр һавага CO₂ кубик сантиметрлар микъдары, дип бәялиләр.
Ягъни, бинада CO₂ дәрәҗәсе 800 ppm тәшкил итә дигәндә, бу 1 м3 һавада 800 см3 CO₂ микъдары бар дигәнне аңлата. Югары концентрациядә углекислоталы газ агулы, аны буа торган газларга һәм IV куркыныч классына кертәләр. Һавада CO₂ концентрациясе артканда (0,15%-0,2% яки 1500-2000 ppm), гомуми сүлпәнлек барлыкка килә, эшкә сәләтлелек һәм игътибар тупланышы кими, йокымсырау һәм хәлсезлек барлыкка килә.
CO₂ микъдары 0,7% яки 7000 ppm артып китсә, кеше сәламәтлеге өчен куркыныч санала.
Татарстан Торак инспекциясе матбугат хезмәте