«Сезгә бик зур рәхмәт»: без рәхмәт хаты алдык
Татарстан Торак инспекциясенә янә уңай хат килде. Бу юлы безгә Әлмәт шәһәренең Белоглазов урамындагы 48 нче йортта яшәүчеләр хат язды.
«Әйе, ишегалдында чыннан да карны да җыйдылар, контейнер мәйданчыгында да тәртип! ЗУР РӘХМӘТ СЕЗГӘ, - дип язды безгә әлмәтлеләр, - АЦСЖ киләчәктә дә үз функцияләрен тиешенчә башкарса яхшы булыр иде».
Торак инспекциясе күзәтеп торачак, инспекторларны хәбәрдә тотыгыз. Әлмәт шәһәренең «АСЦЖ» ҖЧҖ аерым исәптә: берничә тапкыр штраф салынды.
Гомумән, шәһәр буенча кар җыю эше активлашты, дип билгеләп үтте рәхмәт хаты авторы.
Хезмәткәрләргә яхшы сүзләр әйтүегез өчен рәхмәт әйтәбез һәм исегезгә төшерәбез: әгәр идарәче оешма эшләми икән, безгә языгыз. Моннан тыш, узган елдан республиканың Торак инспекциясе Татарстан башкаласында яшәмәгән кешеләр өчен онлайн-кабул итүләр үткәрә. Безнең Telegram чаты https://t.me/gji_rt һәм 8 (843) 222-02-77 телефоны буенча язылырга була.
Татарстан Торак инспекциясе матбугат хезмәте