Лениногорскида кар төшү турында
Лениногорск шәһәрендә кардан бала зыян күргән: 2018 елгы малайга 5 нче каттагы балкон козырегыннан кар катламы төшкән.
Гадәттән тыш хәл 29 гыйнварда 20.00 сәгатьтә Шашин урамындагы 31 нче йорт янында булган. Баланы «Лениногорск үзәк район хастаханәсе» ДАССО озатканнар. Аннан мәгълүматны прокуратурага, аннары Татарстанның Торак инспекциясенә тапшырдылар.
Инспектор, прокуратура материалларын карап чыгып, «Центр ЖКХ и С» АҖ идарәче компаниясенең баш инженерын административ хокук бозуда гаепле дип тапты һәм 4000 сум күләмендә штраф билгеләде. Шулай ук хокук бозуларны бетерү турында күрсәтмә дә бирелде.
Хәтта балкондагы козырек үз белдеге белән төзелгән булса да, идарәче компания карның бөтен җирдә җыештырылуын күзәтергә тиеш.
Әгәр козыреклар проектта каралган һәм түбә өлеше булып торса, аны идарәче оешма чистартырга тиеш. 170 номерлы Торак фондын техник эксплуатацияләү кагыйдәләре һәм нормаларының 4.2.4.9 пункты козырекларны үз белдегең белән урнаштыруны тыя. Әмма әгәр милекче бу тыюны бозган икән, законсыз конструкцияне үзе карап тотарга тиеш.
Татарстан Торак инспекциясе матбугат хезмәте