Нурлатның Дружба урамындагы дуслык
Урам исеме яки йорттагы проблемалар нурлатлыларны берләштергән. Татарстанның Торак инспекциясенә Дружба урамындагы 78 нче йорт милекчеләренең күмәк шикаяте керде. Тикшерү нәтиҗәләре буенча «Городок» ҖЧҖ 25 мең сум штрафка тартылды.
Торак инспекциясе тикшерү үткәрде: подвалда көнкүреш чүп-чарлары йөзә торган агынты су бассейны.
Хокук бозулар идарәче компания директоры тарафыннан җибәрелгән. ИК күпфатирлы йортлар белән идарә итү буенча эшкуарлык эшчәнлеген гамәлгә ашыра, бизнеска лицензиясе бар. Әмма лицензия таләпләрен үтәми, күп санлы норматив-хокукый актларны боза.
Торак инспекциясе карары белән ИК директорына 25 мең сум күләмендә штраф билгеләнде. Һәм һичшиксез - подвал бинасын норматив хәлгә китерү.
Татарстан Торак инспекциясе матбугат хезмәте