МХО ветераннарын һәм катнашучыларын «Батырлар. Татарстан геройлары» программасында катнашырга чакыралар
Республика Рәисе Рөстәм Миңнеханов «Батырлар. Татарстан геройлары» программасын башлау турында игълан итте. Бу «Геройлар вакыты» федераль программасының аналогы.
Программаның максаты – МХО катнашучылары һәм ветераннары арасыннан Татарстан Республикасында дәүләт һәм муниципаль идарә системасында, шулай ук башка өлкәләрдә үз потенциалын гамәлгә ашыру мөмкинлеген алачак перспектив җитәкчеләр командасын формалаштыру һәм әзерләү.
«Бүген махсус хәрби операция зонасында меңләгән татарстанлы, хәрби бурычларын намус белән үтәп, Ватаныбыз иминлеген фидакарьләрчә саклыйлар, илебезнең киләчәге өчен көрәшәләр. Сезнең патриотлык, батырлык һәм каһарманлык – безнең барыбыз өчен дә үрнәк. Ышанам ки, сезнең уникаль тәҗрибәгез, күнекмәләрегез һәм белемнәрегез алга таба да мөһим дәүләт бурычларын хәл итүдә катнашырга тиеш. Ватанны саклаучылар елында 18 февральдән без ветераннар һәм махсус хәрби операциядә катнашучылар өчен «Батырлар. Татарстан геройлары» – ил Президенты йөкләмәсе буенча эшләнгән «Геройлар вакыты» федераль программасы аналогын башлап җибәрәбез, - дип билгеләп үтте Р.Н.Миңнеханов.
«Батырлар. Татарстан геройлары» программасына сайлап алу конкурс нигезендә берничә этапта узачак: рәсми сайтта теркәлү (https://batyrlar-rt.ru), анкета тутыру, эссе язу, тестлаштыру һәм әңгәмә.
Сайлау процедурасы һәр кандидатка, шул исәптән операция зонасында булган гамәлдәге хәрби хезмәткәрләрне дә кертеп, үзен күрсәтергә мөмкинлек бирү өчен оештырылган.
Катнашуга МХО ветераннары яки катнашучылары булган, һөнәри белеме һәм кешеләр белән идарә итү тәҗрибәсе булган РФ гражданнары кертелә.
Барлык кирәкле мәгълүмат https://batyrlar-rt.ru/ интернет сайтында урнаштырылган.
Татарстан Республикасы Рәисе матбугат хезмәте материаллары буенча