Бер шикаять буенча берьюлы ике штраф
Алабуга шәһәрендә яшәүчеләрнең бер шикаяте буенча «Кама» торак ширкәте рәисе һәм «Алабуга җылылык челтәрләре предприятиесе» АҖ штрафка тартылды. Сәбәбе – кайнар су белән тәэмин итү нормативын үтәмәү.
Интернациональная урамындагы 8 нче йортта фатир хуҗасы Инспекциягә, кайнар суның температурасы түбән, ә торак милекчеләре ширкәте рәисе бернинди чаралар күрми, дип зарланды. Тикшерү барышында мөрәҗәгать итүченең дәлилләре расланды: өйгә кергән өлешендә су температурасы +54 градус кына. Димәк, йортта яшәүчеләрнең барысы да озак вакыт тиешле сыйфатта булмаган хезмәттән файдаланганнар.
Торак милекчеләре ширкәте башлыгына – 500 сум, хезмәт күрсәтүчегә 30 мең сум штраф салынды. Торак милекчеләре ширкәтенә карата эш итмәү өчен катгыйрак чаралар кабул итәргә закон мөмкинлек бирми, ул аларга карата лояль.
Күпфатирлы йортта кайнар суның температура нормасы 60-75°C тәшкил итә. Бу норматив СанПиН 2.1.3684-21 кагыйдәләрендә беркетелгән. Түбән температура бусагасын үтәмәү суда куркыныч бактерияләр барлыкка килү белән куркыныч.
Арттыру – яшәүчеләргә пешү, ә су белән тәэмин итү системаларына тиз тузу куркынычы белән яный. Нормативтан тайпылышлар өчен фатир милекчеләре кайнар су белән тәэмин итү өчен түләүне яңадан исәпләтергә тиеш. Торак милекчеләре ширкәте рәисе түләүне яңадан санаган.
Татарстан Торак инспекциясе матбугат хезмәте